![](https://www.koyilandylive.com/wp-content/uploads/2021/05/്ാനോേൈോസ.jpg)
കോഴിക്കോട്: മലബാര് ദേവസ്വം ബോര്ഡിന് കീഴില്വരുന്ന പ്രശസ്ത ക്ഷേത്രങ്ങളില് വഴിപാട്, പൂജ എന്നിവ നടത്തുന്നതിന് ഇ-പൂജ (e -pooja) എന്ന വെബ്സൈറ്റ് മുഖേന ഭക്തജനങ്ങളില് നിന്ന് പണം തട്ടിപ്പു നടത്തുന്നത് ശ്രദ്ധയില്പെട്ടതായി മലബാര് ദേവസ്വം ബോര്ഡ് കമ്മീഷണര് അറിയിച്ചു.
മലബാര് ദേവസ്വം ബോര്ഡോ ക്ഷേത്രഭരണാധികാരികളോ ഇതിനായി വെബ്സൈറ്റിനെ ചുമതലപ്പെടുത്തിയിട്ടില്ലെന്നും അധികൃതര് അറിയിച്ചു.
വഴിപാട്, പൂജ, ക്ഷേത്രവുമായി ബന്ധപ്പെട്ട് ലഭിക്കേണ്ട മറ്റു സേവനങ്ങള് എന്നിവയ്ക്ക് അതത് ക്ഷേത്രങ്ങളുടെ ഔദ്യോഗിക വെബ്സൈറ്റ് മാത്രമേ ഉപയോഗിക്കാവൂ എന്ന് കമ്മീഷണര് അറിയിച്ചു.